Есептер шығару - Физика, 10 сынып, 18 - сабақ

Сабактың мақсаты:
1. Білімділік. Айналмалы қозғалыстағы денелердің импульсін, энергиясын, жұмысын анықтауға есеп шығаруға дағдылану. 
2.Дамытушылық. Есеп шығаруда қажетті формулаларды есептің шартына байланысты таңдай білуге дағдылану. 
3. Тәрбиелілік. Физикалық шамалардың  өлшем бірліктерін СИ жүйесіне келтіруге дағдылану.
Құрал-жабдықтар, көрнектіліктер:  Формулалар жинағы, таратпа материалдар.
Сабақ түрі: Семинар 
Әдіс-тәсілдер: Есепті топтық әдіспен шығару.
Сабақ барысы:
1.Ұйымдастыру кезеңі.
2.Үй жұмысын тексеру.
3.  Есеп шығару.
4.  Сабақты қотындылау.
5.  Үйге тапсырма.
I.Өткен сабақ бойынша оқушылардың білім-білік дағдысын қалыптасуын тексеру. Физикалық диктант. Төмендегі физикалық шамалардың формулаларын жаз.
•Радиусы R шар бойымен қозғалатын нүктенің энергия моменті 
•Тұтас дөңгелектің инерция моменті
•Жіңішке шыбықтың ортасынан және оған перпендикуляр өтетін оське қатысты инерция моменті
•Тұтас шардың инерция моменті 
•Айналмалы қозғалыстағы дене үшін Ньютонның 2-ші заңы
•Дененің инерция және импульс моменті
•Күш моменті және импульс моменті
•Бүкіләлемдік тартылыс заңы 
•Гравитациялық өрістің потенциялық, кинетикалық және толық энергиясы. Физикалық диктантқа өзіндік тексеру және бағалауды ұйымдастыру.
ІІ.      Есептер шығару. Семинар.
•   Оқушыларды топқа бөліп, әр топқа деңгейлік тапсырма беру. Топ өкілдері шығарған есептерін түсіндіріп, өз ойларын емін-еркін айтуға жаттыға отырып, білім-білік дағдысының қалыптасуын дамытады.
Жеткілікті деңгейге ьерілетін есептерге мысал:
1.Бірінші ғарыштық жылдамдық 7,8 км/с, айналу периоды 88,85 мин, Жер радиусы 6400 км. Станцияның Жер бетінен биіктігін есептеңдер?
ІІІ. Сабақты қорытындылау: Физикалық диктанттың қорытындысы бойынша оқушылардың тақырып бойынша білім-білік дағдысын бағалау.
IV.Үйге тапсырма беру: Қайталау. §1.17-§1.19 есептер жинағы.