Жұмбақтар

Жұмбақтар жауаптарымен

Кішкентай ғана түйме тас, Атан түйе тарта алмас. [spoiler=Жауабы]Кене
Жұмбақтар жауаптарымен

Кішкентай ғана түйме тас,
Атан түйе тарта алмас.
[spoiler=Жауабы]Кене
Тоқыған ауы – шыбынның жауы.
[spoiler=Жауабы]Өрмекші
Әуеден ақ-сары құс ән салады,
Келгенде шабытына жан алады.
Өзгеше қылығына қарап тұрсаң,
Дымы жоқ тақыр жерден нәр алады.
[spoiler=Жауабы]Сары маса
Көзі бар, қанаты бар балық дене,
Сияқты зор тұлғалы алып кеме.
[spoiler=Жауабы]Кит
Бір мақұлық бар екен төрт аяқты,
Тағыпты арқасына мың таяқты.
Ашуланса, аяқ-қолын көрсетпейді,
Көресің көзің салсаң ғажайыпты.
[spoiler=Жауабы]Кірпі
Дене мен аяқ-қол жоқ, құйрық пен бас,
Бұрыннан жан-жәндікке ойлаған қас.
Бес-алты ай демалыста күн көреді,
Оншалық керек етіп жемейді ас.
[spoiler=Жауабы]Жылан
Екi ұшы бұлдырақтай,
Ортасы қылдырықтай.
[spoiler=Жауабы]Құмырсқа
Бiреуге найза түйрейдi,
Содан-ақ өзi күйрейдi.
[spoiler=Жауабы]Маса, сона
Буда, буда, буда жүн,
Будаланған шуда жүн.
Сыдырып қойған сұр таспа,
Қоңыр шолақ құнажын.
[spoiler=Жауабы]Тышқан
Жел-жел бием, жел бием,
Желiндесе кiм бiлер?
Жау жапырақ түбiнде
Құлындаса кiм бiлер.
[spoiler=Жауабы]Балық
Сап-сары болған түрі бар,
Шақылдаған үні бар,
Жер астында тынығар.
[spoiler=Жауабы]Саршұнақ
Қырдан қырайман көрдім,
Судан сүлеймен көрдім.
Қайырылып тұрған тас көрдім,
Тұзсыз піскен ас көрдім.
[spoiler=Жауабы]Диірмен, балық, қауын
Көзін жұмады,
Көзін ашады.
Сыбысын білдірмей,
Ақырын басады.
[spoiler=Жауабы]Мысық
Төрт аяқты шалғы
Орып кетер малды.
[spoiler=Жауабы]Қасқыр
Келеді бір перизат итке мінген,
Таяғын итке мініп итпелеген,
Артында ағараңдар ешкісі бар,
Ешкісін итке мініп жетелеген.
[spoiler=Жауабы]Қоян
Бұлаңдаған құйрығы –
Бір алдарлық қулығы.
[spoiler=Жауабы]Түлкі
Қорықпайды күшті аңнан,
Қорқады тек тышқаннан.
[spoiler=Жауабы]Піл
Топырақ желді мініп, желді айдайды,
Болғанда түске жақын көлге айдайды.
Тамшыны жерден тамған керек қылып,
Топырақ өз-өзінен айқайлайды.
[spoiler=Жауабы]Жер – жылқы, тамшы – қымыз
Басында таяғы бар,
Төрт аяғы бар.
Сегіз тұяғы бар,
Иегінде сақалы бар.
[spoiler=Жауабы]Серке
Жамауы бар тігінсіз.
Киімі қалың жамылар.
Жыртығы жоқ, еш мінсіз,
Ала-құла тоны бар.
[spoiler=Жауабы]Ала мал
Будақ түтін түсі аппақ,
Көк жүзіне тұзақтап.
Қойғандай - ақ жылжымай
Тауды өбеді құшақтап.
[spoiler=Жауабы]Ақша бұлт
Бірде селбір жабағы,
Бірде теңбіл жабағы.
[spoiler=Жауабы]Бұлт
Аяғы жоқ, қолы жоқ,
Жүретұғын жолы жоқ.
Мінезі де жеңілтек,
Тіл алмайтын бір тентек,
Шөпшілердің шөбін шашты,
Қалпағымды ала қашты.
[spoiler=Жауабы]Жел
Ақ шапанын үстінен
Алты ай бойы шешпеді.
Қара шапаны үстінен
Алты ай бойы түспейді.
[spoiler=Жауабы]Қысқы ақ қар, жазғы қара жер
Бөркін ағай киеді ошырайтып.
[spoiler=Жауабы]Томарға түскен қар
Ақ сиыр туып кетер,
Қара сиыр жатып қалар.
[spoiler=Жауабы]Қардың кетуі
Қарағайсыз, тақтасыз,
Көпір салдым балтасыз.
[spoiler=Жауабы]Мұз
Адам тимей қағанағым жарылды.
[spoiler=Жауабы]Мұз
Суда жаралады,
Суда жоғалады.
[spoiler=Жауабы]Мұз
Қасқанасы қылтылдап,
Көз қарасы жылтылдап.
Ұзын - ұзын ұз келер,
Ұзын бойлы қыз келер.
[spoiler=Жауабы]Ағынды су
Дедектейді, зырлайды,
Артқа мойын бұрмайды.
[spoiler=Жауабы]Өзен
Күлің, күлің, күлің ат,
Күліп өтті, көрдің бе?
Көлеңкесін көрсетпей
Жүріп өтті, көрдің бе?
[spoiler=Жауабы]Өзен
Өркешіне мұз артқан,
Шудасынан су аққан,
Мынау неткен қара нар,
Күншіліктен мұратқан?
[spoiler=Жауабы]Тау
Серікпен қарындасы 25 жаста, әкелері 50 жаста.
[spoiler=Жауабы]Серікпен қарындасы 25 жаста, әкелері 50 жаста.
Аппақ жолға қараймыз тамсанып,
Сүтін төгіп кеткен кім, жол салып?
[spoiler=Жауабы]Құс жолы
Жеті ағам жерге түспейді.
[spoiler=Жауабы]Жеті қарақшы
Көлемі бірдей болған 8 доптың жетеуінің салмағы бірдей, ал біреуі басқаларынан ауырырақ. Күйентелі таразымен (екі жақта табағы бар таразы) екі рет өлшеп ауыр болған допты таба аласыз ба?
[spoiler=Жауабы]Доптар 3, 3 және 2 етіліп үш топқа бөлінеді. Алдымен 3 - еу болған топтар жеке - жеке таразыға қойылып тартылады.
А) Тең болса, ауыр болған доп 2 - еулік топта
Б) Біреуі ауыр болса, сол топта болғаны мәлім болады.
Әр екі жағдайда да, ауыр допты табу үшін тағы да бір бір доптан тартып көреді.
Қарайып ұшқанымен қарға емес,
Ін қазғанмен түлкі емес.
Арқасында боқшасы,
Жинағанмен мүлкі емес.
[spoiler=Жауабы]Қара қоңыз
Бір палуан өзі күшті, қайраты мол,
Өзінен үлкен затты көтерер ол.
Мейлі қыр, мейлі жота, мейлі төбе,
Қайқаңдап аса берер бәрінен де ол.
[spoiler=Жауабы]Құмырсқа
Елек - елек тарым бар,
Көтере алсаң бәрін ал.
[spoiler=Жауабы]Құмырсқаның илеуі
Пікір қалдыру (0)

Пікірлер: