Сабақ жоспарлары / Физика

Есептер шығарту. - Физика, 8 сынып, 38 - сабақ

Сабақтың тақырыбы: Есептер шығарту.

Сабақтың мақсаты:

Білімділік мақсаты: Оқушылардың тарау бойынша алған білімдерін жүйелеу, алған білімдерін тақырыптық есептер шығару барысында қолдана білуге дағдыландыру.
Дамытушылық мақсаты: Оқушылардың білім деңгейін және білім мазмұнының тұрақтылығы мен оны игерудегі іскерлік пен дағдыны бақылау.
Тәрбиелік мақсаты: Адамгершілікке, ұқыптылыққа, алғырлыққа, отансүйгіштікке, табиғатты аялауға, сыйластық пен әдептілікке баулу.

Сабақтың түрі: білімді тексеру, бағалау
Сабақтың әдіс-тәсілдері:кітаппен жұмыс, жаттығулар орындау
Сабақтың көрнекіліктері:плакаттар, суреттер, үлестірме қағаздар, кестелер.

Сабақтың барысы:

І. ДК. Ұйымдастыру кезеңі:
Сәлемдесу, отырғызу, түгендеу.

ІV.ДК Жаңа сабақты қабылдауға әзірлік, оқушы белсенділігін арттыру.
Бүгінгі сабағымызды өтілген тақырыптарға арналаған есептер шығарамыз.

Бірінші және екінші шам арқылы 1 Кл зарядты тасымалдағанда атқарылатын жұмысты салыстыр. Осы шамдардағы ток күштері бірдей ме? U₁=3B U₂=1,5B
Резистордағы кернеу 110 В болғанда ток күші 4А тең. Ток күші 8А болу үшін резисторға қандай кернеу беру керек?
Екі мыс өткізгіш бөліктерінің ұзындықтары бірдей, бірақ көлденең қималарының аудандары әр түрлі: 1,6 және 0,8 мм² . Өткізгіштің қай бөлігінің кедергісі аз және қанша есе?
Кедергісі ұзындығы 1м және көлденең қимасының ауданы 0,5 мм² өткізгіштің кедергісіндей болу үшін, көлденең қимасының ауданы 100 мм² сондай материалдан жасалған өткізгіштің ұзындығы қандай болу керек?
Өткізгіштің көлденең қимасы арқылы 1с ішінде 6*10¹⁹ электрондар өтетін болса, өткізгіштегі ток күші қандай?

ІІІ. ДК. ДК Білімді жан-жақты тексеру.

Электр тогы дегеніміз не?
Электр тогын сипаттайтын негізгі шамалар?
Тізбек бөлігіне арналған Ом заңы қалай тұжырымдалады?
Өткізгіштің электрлік кедергісі қандай формуламен есептеледі?
Өткізгіштң электрлік кедергісі оның ұзындығына, көлденең қимасына қалай тәуелді?

VІII.ДК. Бағалау. Үй тапсырмасын беру: §38,39

Пікір қалдыру (0)