Сабақ жоспарлары / Физика

Жарықтың шағылуы. Жарықтың шағылу заңдары. - Физика, 8 - сынып, 60 - сабақ

Сабақтың тақырыбы: §64  Жарықтың шағылуы. Жарықтың шағылу заңдары.
Жарықтың шағылуы. Жарықтың шағылу заңдары. - Физика, 8 - сынып, 60 - сабақ

Сабақтың мақсаты:
  1. Білімділік мақсаты:
Жарықтың шағылу заңының мәнін ашу, оқушылардың игерген білімі, біліктілігі мен дағдысы деңгейлерін одан әрі жүйелеп жетілдіру
  1. Дамытушылық мақсаты:
Оқушылардың білімі мен біліктілігін оларда қалыптасқан дағды деңгейлерін анықтау. Жарық шағылуының екінші заңын тағайындау.
  1. Тәрбиелік мақсаты: 
Адамгершілікке, ұқыптылыққа, алғырлыққа, отансүйгіштікке, табиғатты аялауға, сыйластық пен әдептілікке баулу.

Сабақтың түрі: 
Аралас, жаңа білімді қалыптастыру, жалпылау, бақылау, сарамандақ, зертханалық, қорытындылау, тексеру және бағалау, бекіту, қайталау.
Сабақтың Әдіс-тӘсілдері: 
Әңгіме, лекция, дискуссия, кітаппен жұмыс, демонстрация, видео әдісімен, жаттығулар орындау, лаборатория, танымдық ойындар, сынақ жүргізу.
Сабақтың кӨрнекіліктері: 
Графопроектор, телевизор, видеомагнитафон, плакаттар, суреттер, үлестірме қағаздар, слайд.

Сабақтың барысы:
І. ДК. Ұйымдастыру кезеңі: 
Сәлемдесу, отырғызу, түгендеу.
ІІ. ДК. Үй тапсырмасын тексеру, қайталау.
А) теориялық білімдерін тексеру.
Ә) практикалық тапсырмаларын тексеру.
Б) есептерін тексеру.

ІІІ. ДК. Білімді жан-жақты тексеру: 
Жарықтың таралу заңы дегеніміз не?
Жарық шоқтары дегеніміз не?
Көлеңке мен алакөлеңке туралы не білесің?
Күннің тұтылуы? 
Айдың тұтылуы?
ІV. ДК. Жаңа материалды қабылдауға әзірлік, мақсат қою.  
Мұғалім сабақтың мақсатымен таныстырады.
V. ДК.Жаңа материалды меңгерту:
1. Жарықтың шағылуын түсіндіретін аспаптар жайында мәлімет беру.
Жарық сәулелері қандай да бір бетке түскен кезде сол өзі шыққан ортада   одан жартылай немесе толық шағылады. Дене беті тегіс немесе ұсақ және өте ұсақ ой-қырлары бар кедір-бұдырлы ьолуы мүмкін. Айналық бет деп түскен жарық энергиясының басым бөлігін шағылдыратын, яғни жарық түскен ортаға қайта бағыттайтын бетті айтады.
2. Жарық шағылуының бірінші заңының мәні жайында.
Түскен сәуле мен шағылған сәуле, сәуленің түсу нүктесінен шағылдырушы бетке тұрғызылған перпендикуляр бір жақзықтықта жатады. Шағылу бұрышы түсу бұрышына тең болады.
3. Жарықтың түсу және шағылу бұрышы жайында түсінік беру.
Түскен сәуле мен сәуленің түсі нүктесінен шағылдыратын бетке тұрғызылған перпендикуляр арасындағы α бұрышы түсу бұрышы деп аталады. Шағылған сәуле мен сәуленің шағылу нүктесінен шағылдыратын бетке тұрғызылған перпендикуляр арасындағы β бұрышы шағылу бұрышы деп аталады.
  1. Шағылудың екінші заңын түсіндіру.
Егер жарық сәулесі айналық бетке түссе, онда шыққан шағылу да айналық немесе бағытталған шағылу болады. Егер де бет кедір-бұдыр болса, мысалы қағаз парағы, онда одан шағылғанда жарық шашырайтын болады. Бұндай шағылуды шашыранда немесе диффузиялық шағылу деп атайды.Шашыраған жарық айналық шағылуға қарағанда көзге жағымдырақ, ол көзді көп шаршатпайды.
VI. ДК. Оқытылып отырған оқу материалын қабылдаудағы оқушы түсінігін тексеру:
  1. Жарықтың шағылу заңы қандай аспаптармен жүзеге асырылады?
  2. Жарықтың шағылу заңының мәні неде?
  3. Түсу бұрышы мен шағылу бұрышы қатынасы қандай?
  4. Жарықтың шағылу екінші заңын түсіндір.

VII. ДК.Оқытылып отырған оқу материалын бекіту немесе дағдыландыру жұмыстарын жүргізу:
Есептер жинағынан №778 есеп
Неліктен күн сәулесі терезе тура түспеген жағдайда да, бөлме жарық болып тұрады?
№792
Неліктен күн сәулесі түсіп тұрғанда, қар ұшқын тады және жарқырап тұрады
№793
Неліктен  Күн шықпай тұрып-ақ, жарық бола бастайды?
Есептер жинағынан №794-795 есептерді сыныпта орындаймыз. 
VIII.ДК. Үй тапсырмасын беру:
Оқулықтан § 64 оқуға Есептер жинағынан №784790 есептерді шешу.
Пікір қалдыру (0)

Пікірлер: