Тіл ұстарту сабағы - Қазақ тілі, 6 сынып, 11 - сабақ

Білімділік:Тіл ұстарту мәтінінің мазмұнын толық меңгерту, талдаулар жасату.
Дамытушылық: оқушылардың ізденімпаздық қабілеттерін дамыту. Ойлау қабілеттерін арттыру.

Тәрбиелік: Сауаттылыққа, ұқыптылыққа тәрбиелеу.
Сабақтың түрі: дәстүрлі сабақ
Әдісі:сұрақ-жауап, әңгімелеу, баяндау, оқу, талдау.
Көрнекілік:Ә.Е.Шунееваның Тіл ұстарту мәтіндері
Сабақтың барысы:
І. Ұйымдастыру кезеңі:
-Сәлемдесу рәсімі;
-оқушылардың сабаққа қатысуы туралы кезекшінің мәліметі;
-оқу құралдарын ретке келтіру.
-оқушылардың диктант дәптерлері таратылады.
ІІ. Оқушылар 10 минуттың ішінде қатемен жұмыс жасайды, дәптерлер қайтадан жиналып алынады.

ІІІ. Тіл ұстарту сабағы:

/Кеспе қағазға жазылған мәтін барлық оқушыларға таратылады/

Ана тілі
Ақындардың өлеңін
Жүрегінде түнетіп.
Көтеріпті ұлы елім,
Ана тілін ту етіп.
Ана тілің біліп қой,
Еркіндігің, теңдігің.
Ана тілін біліп қой,
Мақтанышың елдігің.
Ана тілің-арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте.
                                                (Қадыр Мырзалиев)

Тапсырма:
1.Өлеңді мәнерлеп оқыңдар.
2. Өлең бойынша «Ана тілін» топтастырыңдар.
3.Өлеңді өз сөздеріңмен қайта жазып шығыңдар.
4. Қарамен жазылған сөздерді дәптерлеріңе көшіріп жазып, құрамына талдау жасаңдар.
5. Тілге байланысты мақал-мәтелдер жазу.
6.Тілге байланысты өзің де өлең жолдарын құрастырып көр.

Тапсырманы орындап болған оқушылардың жұмыстары тексеріліп,  бағаланады.