Сөзжасам. Сөз тұлғасы. - Қазақ тілі, 6 сынып, 12 - сабақ

Білімділік: Оқушыларға сөзжасам және сөз тұлғасы туралы толық мәліметтер беру, түсіндіру.
Дамытушылық:тапқырлыққа, өз көзқарасын жүйелі де тиянақты баяндауға, мәлімдеуге, ізденімпаздыққа баулу.
Тәрбиелік: Ұқыптылыққа, жинақы іскер болуға төселдіру, ұлттық дәстүрлерге дағдыландыру.
Сабақтың түрі: жаңа тақырыпты меңгерту сабағы
Әдісі: сұрақ-жауап, баяндау
Көрнекілік: оқулық, сызба, семантикалық карта толтыру
Сабақтың барысы:
І. Ұйымдастыру кезеңі:
* сәлемдесу рәсімі;
* оқушыларды түгендеу;
*Зейіндерін сабаққа аудару.
І. Өткен тақырыптарды пысықтау сұрақтары:
*Диалектизм деген не? Мысалдар келтір.
*Көнерген сөздердің ерекшеліктерін және түрлерін атап, мысал келтір.
*Термин сөздердің ерекшеліктері мен қызметін еске түсіріңдер.
*Қандай термин сөздерді білесіңдер?
*Тұрақты тіркес дегеніміз не? Оның сөз тіркесінен айырмашылығы.
ІІІ. Жаңа сабақ: Сөзжасам. Сөз тұлғасы.
Қысқаша түсінік:
Сөз түрлі бөлшектерден тұрады. Ол бөлшектердің өзіне тән мағынасы, белгілі бір қызметі болады.
Мысалы: /тақтаға жазылады/ жолдастыққа-деген сөз төрт   бөлшектен тұрады:
жол-дас-тық-қа

1. Жол     -«салған із» немесе «сапар» дегенді білдіреді.
2. Жол+дас- «серік» деген мағынаны білдіреді;
3. Жолдас+тық –адамдар арасындағы қатынасты білдіреді.
4. Жолдастық+қа -  қа жалғауы сөзге жаңа мағына үстеп тұрған жоқ, басқа сөзбен байланысу қызметін атқарып тұр.

IV.Оқулықпен жұмыс
66- жаттығу: Сөздерді оқып,олардың құрамын ажыратыңдар, ауызша талдаңдар.
Күзет+ші+лік- күзет түбірі, күзетші-кісі мағынасында, күзетші+лік –қызмет түрін білдіреді.
Адамшылық: адам түбірі, адам+шылық – қасиетті білдіріп түр
Сән+қой: сән түбірі, зат есім, сән-қой –кісі мағынасында.
Аспаз-ас түбірі, з.е. ас+паз –қызмет түрін білдіреді.
Бақташы-бақ түбірі, з.е.-бақ-та-жалғау, сөзді байланыстырады, бақта+шы-қызмет түрін білдіреді   /Оқушылар жаттығуды аяғына дейін орындайды/
V. Сабақты бекіту:
Семантикалық картамен жұмыс:

№.	Мысалдар	Түбір сөз	Туынды сөз	Қос сөз	Біріккен сөз	Қысқарған сөз	Тіркескен сөз
1.	Жаздыгүні				+
2.	Су-су			+
3.	Оқулық		+
4.	Оқта-текте			+
5.	Отыр	+
6.	Сулы		+
7.	Ақ құба						+
8.	Он екі						+
9.	Шекара				+
10	Бала-шаға			+
11.	ҚарМУ					+
12	Жаңбыр	+
13	АҚШ					+
14.	Еңбеккүн				+
15	Көре-көре			+
16.	Орманды		+
17	Қалалық		+
18	Бала	+
19	Балалық		+
20	ТМД					+

V. Үйге: 67 жаттығу: Жапырағы сарғайған ағашқа қарап, күз көрінісін бейнелеп жазыңдар. Мәтіндегі туынды сөздердің жасалу жолдарын түсндіріңдер.
68-жаттығу: Мақал-мәтелдердегі қосымшалардың түрлерін ажыратыңдар.
VІ. Бағалау