Сабақ жоспарлары / Қазақ тілі мен әдебиеті

Есептік сан есім - Қазақ тілі, 6 сынып

САБАҚТЫҢ ТАҚЫРЫБЫ. Есептік сан есім.
Есептік сан есім - Қазақ тілі, 6 сынып

  1. Оқушылармен амандасу:
  • Сәлеметсіңдер ме, балалар!
  • Отырыңдар. 
  1. Кезекшімен сөйлесу әрекеті.
Үйге: 78 бет,162-163 – жаттығуларды орындау. Сан есім туралы түсінікті қайталап оқу.
Балалар, сонымен сан есімдер мағыналарына қарай алты топқа бөлінеді дедік, кім мүдірмей атап берем дейді? 
Бүгінгі сабақтың тақырыбы: Есептік сан есім.
Сабақтың мақсаты: Есептік сан есімді меңгерту.
Мұғалімнің жаңа сабақты түсіндіруі:
        Есептік сан есімдер заттың нақтылы санын білдіріп, неше? қанша? деген сұрақтарға жауап береді. Мысалы: екі, он, бес, бір жүз елу тоғыз, сегіз, бір мың жүз елу т.б.
 Тапсырманы орындау:
  1. Сөйлемдерді оқып, есептік есімдерді тауып, олардың сұрақтары мен құрамын анықтаңдар.
    • Кең шарда көлемі – 83475 гектар, оның егінге қолайлысы – 50 мың гектар. 
    • Жалғыз Солтүстік Қазақстан облысына басқа республикалардан 10584 адам келген. 
    • Тыңға аттанған адамдардың алғашқы тобы – Қызылжарға наурыз айының он төрті күні таңертең сағат алтыда 450 адам кеп түскен.
    • Ол кеңшарға керекті мүліктерін жинай бастайды: екі «ГАЗ -51», әрқайсысы 4 кісіліктен 25 шатыр, 25кісіліктен 4 шатыр,10 пар пима,м 20 пар етік, 50 күрек, 25 шот, он сүймен.
  2. Сұрақтарға жауап жазыңдар. Жазған сөйлемдеріңде қандай сан есімдерді қолданғандарыңды айтыңдар.
І. Бір жылда неше жыл мезгілі бар? Бір жылда неше ай, неше тәулік бар? Бір тәулікте неше сағат, бір сағатта неше минут, бір минутта неше секунд  бар?
ІІ. Бір тоннада неше центнер, бір центнерде неше килограмм, бір килограмда неше грамм, бір грамда неше миллиграм бар?
ІІІ. Бір шақырымда неше метр, бір метрде неше дециметр, бір дециметрде неше сантиметр, бір сантиметрде неше миллиметр бар?
Сұрақ –жауап:
  1. Біз бүгін сабақта нені білдік? 
  2. Есептік сан есім дегеніміз қандай сан есім екен?
Үйге: 78-бет, 162 – 163-жаттығуларын орындау. Есептік сан есім туралы қайталау.
Сабаққа жақсы, белсенді қатысқан оқушыларды мадақтау, бағалау. 

Пікір қалдыру (0)

Пікірлер: