Реактивтік қозғалыс - Физика, 9 сынып, 20 - сабақ

Сабақтың мақсаты:

1. Білімділік мақсаты: Оқушы білімін, іскерлігін, дағды деңгейін бақылау, бағалау. Реактивтік қозғалысымен таныстырып солар жайлы түсінік қалыптастыру.
2. Дамытушылық мақсаты: Оқушылардың білім деңгейін және білім мазмұнының тұрақтылығы мен оны игерудегі іскерлік пен дағдыны бақылау.
3. Тәрбиелік мақсаты: Адамгершілікке, ұқыптылыққа, алғырлыққа, отансүйгіштікке, табиғатты аялауға, сыйластық пен әдептілікке баулу.

Сабақтың түрі:жаңа білімді қалыптастыру, жалпылау
Сабақтың әдіс-тәсілдері:  Әңгіме, лекция, дискуссия, кітаппен жұмыс.
Сабақтың көрнекіліктері: плакаттар, суреттер, 

Сабақтың барысы:

І. ДК. Ұйымдастыру кезеңі:  
1. Сәлемдесу;
2. Оқушыларды түгендеу;
3. Сынып болмесінің тазалығын тексеру;
4. Оқушылардың сабаққа дайындығын тексеру (жұмыс орны, отырыстары, сыртқы түрлері);
5. Оқушылардың назарын сабаққа аудару.
ІІ. ДК. Үй тапсырмасын тексеру, қайталау.
А) теориялық білімдерін тексеру.
Ә) практикалық тапсырмаларын тексеру.
Б) есептерін тексеру.
ІІІ.ДК Білімді жан-жақты тексеру./ ІV. ДК. Жаңа материалды қабылдауға әзірлік, мақсат қою.  
Бүгінгі негізгі мақсатымыз оқулық бойынша реактивтік қозғалыспен танысамыз.

1. Дене импульсі дегеніміз не?
2. Күш импульсі дегеніміз не?
3. Дене импульсінің өзгеруі қандай шамаға тәуелді?
4. Күш импульсі мен дене импульсінің арасында қандай байланыс бар?
5. Тұйық жүйе деп қандай жүйені айтамыз?
6. Импульстің сақталу заңын тұжырымдаңдар.

V. ДК.Жаңа материалды меңгерту: 
1. Импульстің сақталу заңының техникада табысты қолданылуының бір мысалы реактивтік қозғалыс.
2. Техникадағы және табиғаттағы реактивтік қозғалыстың мысалдары.
3. Ғарышты зерттеудегі жетістіктер.
4. Көпсатылы зымырандар.
5. Реактивті қозғалыс жылдамдығы.

VІ. ДК. Оқытылып отырған  оқу материалын қабылдаудағы оқушы түсінігін тексеру.
§21  дайындық сұрақтарын талдау.

1. Зымыран қалай қозғалады?
2. Реактивті қозғалыс дегеніміз не?
3. Қандай мақсатпен зымырандар көпсатылы болып жасалады?
4. Реактивті қозғалыс жылдамдығы қандай шамаларға байланысты?
5. Ғарышты зерттеудегі қандай жетістіктерді білесіңдер?

VІІ. ДК. Оқытылып отырған оқу материалын бекіту немесе дағдыландыру жұмыстарын жүргізу. 18-жаттығу 1,2

№1К.

1. 2 м/с жылдамдықпен қозғалып келе жатқан массасы 5 кг дененің импульсін анықтаңдар.
2. Жеңіл автомобильдің жылдамдығы жүк автомобильінің жылдамдығынан 2 есеүлкен, ал массасы 4 есе кіші. Автомобильдердің импульстарының модульдерін салыстырыңдар.

№2К.

1. 7 м/с жылдамдықпен жүгіріп келе жатқан массасы 70 кг адам, 2 м/с жылдамдықпен кетіп бара жатқан, массасы 30 кг арбаны қуып жетіп, оған секіріп мінеді. Осыдан кейін арба қандай жылдамдықпен қозғалады?
2. Жеңіл автомобильдің жүк автомобильінің жылдамдығынан 2 есе үлкен, ал массасы 6 есе кіші. Автомобильдердің импульстарының модульдерін салыстырыңдар.

VIІI.ДК. Бағалау. Үй тапсырмасын беру: §21  18-жаттығу (3)