РГР: Орыстың шығыстанушысы – В.В. Бартольд

Шығысқа деген құмарлығы мектепте оқыған жылдары басталып, оның әрі қарайғы таңдауына ықпал етті: 1887 ж. Ол Петербург университетінің араб-парсы- түркі- татар тобының шығыс тілдері факультетіне түсіп, 1891 ж. Оны бірінші дәрежедегі дипломмен бітіреді. Сол кездері әйгілі шығыстанушылардың: Н.И. Веселовский, В.А.Жуковский, В.Р. Розен және басқалардың дәрістері, университеттік бай кітапханадағы жұмысы және оның ерекше қабілеттерінің арқасында, ғалымның негізгі қаланып, В.В.Бартольд әлемдік және отандық шығыстануда бірінші қатардан орын алды. Ол студенттік жылдардың өзінде араб, парсы, түрік және кейбір басқа тілдерді меңгереді, бұл туралы оның бозбала шағындағы дәптерлері куә.

Терең білімдарлық, сирек кездесетін жан-жақтылық, ғылыми талдаудың әдістерін шебер пайданауы, материалды өте жақсы баяндау әдісі- осының барлығы В.В. Бартольдтың ғалым ретіндегі сипаты болып табылады. В.В. Бартольд 1884 жылы «Орта Азиядағы христиандық туралы» деген тақырыпты жазған шығармасы үшін күміс медаль алады. 1891 жылы университетті бітіргеннен кейін ол аса көрнекті ғалым, ғылыми жетекшісі В.Р. Розеннің кеңесі бойынша мамандығын жетілдіру үшін шетелдерді аралайды. Финляндияда, Германияда, Швейцарияда, Солтүстік Италияда, Австрияда, Венгрия мен Краковта болады. Отанына қайтып оралған соң В.В. Бартольд университетте қалдырылады. 1893 жылы магистрлік дәреже үшін сынақ тапсырады. 1896 жылы приват-доцент атағын алады.